Организациите делуваат во средини полни со предизвици. За подобра деловност од посебно значење е активно да се вклучуваат во општествената и политичка околина. Корпоративното комуницирање, кое претставува црвена нишка во напредната програма на Лондонската школа за односи со јавноста CorpPA (Corporate Public Affairs), во тоа игра клучна улога.

Во текот на еднонеделното дружење со предавачи од европските престолнини на знаењето, Брисел и Лондон, и од Словенија и Хрватска, учесниците се запознаваат со трендовите и позадината на корпоративното комуницирање, прашања од јавно значење, односи со јавноста и економската дипломатија. Во текот на 40 часа едукативна програма сознаваат како можат да ги следат и препознаат влијанијата во околината кои се од клучно значење при деловното работење на нивните организации, како и нивно вклучување во стратегијата на односите со јавноста за да го подигнат угледот, стратешки капитал на 21 век. Учесниците се запознаваат со процесите на одлучување во ЕУ и со нивното влијание на деловното работење на организацијата, навлегуваат во светот на дипломатијата, кој исто така, значајно ја креира околината на делување на претпријатието, бараат начини за реализирање на зададените цели, сознаваат како да спречат кризни ситуации со помош на управување со опасности и ризици и учат како при комуницирање со јавноста да ги употребат техниките на преговарање и како да постигнат консензус.

На крајот од едукацијата учесниците добиваат меѓународен сертификат CorpPA, кој го потврдува знаењето добиено по завршувањето на едукативната програма, креирана по меѓународни стандарди.

CorpPA ги следи трендовите и едукативните потреби на искусните комуникатори, ЛСПР дипломците и менаџерите на кои при работата им е потребно знаење за управување со корпоративниот углед на организацијата.

Програмата е креирана врз основа на резултатите од анализата на трендовите во струката, образовните понуди во ЕУ и САД, врз основа на искуството на организаторот на програмата, како и врз основа на резултатите од истражувањето за образованите потреби на дипломците на Лондонската школа за односи со јавност на подрачјето на Словенија, Хрватска, Босна и Херцеговина, Србија и Македонија.

При подготовката учествуваат Лондонската школа за односи со јавноста и водечката бриселска агенција за односи со јавноста и прашања од јавно значење Interel PR&PA.

Доколку сакате да дознаете повеќе за образовната програма ве повикуваме да ни пишете на:

Corp-pa[@]spem-group.com.